Pamene nkhondo yolimbana ndi nkhaza kwa Ana maka atsikana malipo akuwonetsa kuti pali ntchito yaikulu yoti igwiridwe pamene apolisi m’boma la Mulanje akusungira mchitokosi mlonda wa kampani yolima tea ya Lauderdale Tea Estate, Dalitso Majawa, pomuganizira kuti wagwililira mwana wa mkazi wazaka 6.
Malingana ndi wachiwiri kwa mkulu wofalitsankhani za apolisi ku Mulanje Joseph Topola wati mwanayo amachokera kusukulu ndipo nthawi yomwe amadutsa pafupi ndi kampaniyo mlondayo anamukokera mwanayo mu nkhalango ndikumugwililira.
Tapola wati azakhali a mwanayo ndi amene anazindikira za kugwiliridwa kwa mwanayo ndipo anakanena ku polisi zankhaniyi zimene zinapangitsa apolisi kugwira ndikumanga mkuluyo.
Majawa akuyembekezeleka kukaonekera ku bwalo la milandu posachedwapa kuti akayankhe mulandu womwe wapalamulawu
About the Author
