Reserve Bank of Malawi yomwe ndi banki yaikulu ya dziko lino yakhazikitsa lamulo latsopano lomwe likuletsa kuti munthu adzikhala ndi ndalama zakunja zopitilira $1,000 (pafupifupi K1.75 million) popanda chilolezo cha bankiyi.
Izi zili chomwecho malingana ndi lamulo lomwe linapangidwa pa 7 September ndipo analisindikiza mu buku la boma losindikiza malamulo a tsopano pa 18 September lotchedwa Foreign Exchange (Limit on Physical Possession of Foregn Currency) lomwe
Bankiyi yati aliyense otenga kapena kutumiza ndalama zakunja zoposa $1’000 kunja kwa dziko lino ayenera kukhala ndi umboni kuti ndalamazo anazigula pa msika ovomerezeka kapena akuyenera kutenga chilolezo kuchokera ku bankiyi.
Banki ya Reserve yayikanso lamulo loti ndalama za dziko lino za Kwacha zomwe zikuloledwa kutuluka m’dziko muno popanda kufunsa chilolezo ku bankiyi ndi ndalama zofanana ndi $5,000 kwa ochita malonda kunja kwa dziko lino komanso $100 kwa ena opita m’mayiko ena pa zifukwa zina.
Lamulo latsopanoli ladza imene dziko lino likukumana ndi vuto la kusowa kwa ndalama zakunja komanso kukula kwa mchitidwe ogula ndi kugulitsa ndalama zakunjazi pa msika osavomerezeka kapena kuti Black Market pachingelezi.
About the Author
