Apolisi ku Balaka amanga bambo wazaka 29 Sulaimana Rashid kamba kowaganizira kuti agona ndi mtsungwana wachichepele wazaka 14 atamunyengerera kuti amupatsa mankhwala azitsamba kuti azikakhoza bwino ku sukulu.
Malingana ndi Wofalisa nkhani za Polisi ku Balaka a Gladson M’bumpha oganizilidwawa anachita zosayenerazo ndi mwana wachichepeleyo nyumba mwawo lolemba sabata ino kwa Chendausiku m’bomali.
M’bumpha wati mayi wina ndiye anawona mtsungwanayu akutuluka nyumba mwa woganiziridwayu ndipo anakaziwitsa mayi ake amwanayu amene anamufutsa mwanayo ndipo anawulura kuti wachita zadama ndi bamboyo.
Apa nkhaniyi inakasiyidwa ku polisi ndipo apolisi adagwira ndikumanga woganiziridwayu.
Sulaimana Rashid amachokera Mudzi mwa Kaipakunja mdera ya Mfumu yaikulu Nsamala ku Balaka.
About the Author
