Sitima ya MV chambo ya dziko la Mozambique koma imayenda panyanja ya Malawi yapsa mdziko la Tanzania.
Pali nkhawa yoti anthu ambiri amwalira ndipo ena avulala pomwe sitimayi yayaka moto pakati pa nyanja pomwe imachokera ku doko la Mbamba Bay m’dziko la Tanzania, kupita ku Mozambique.
Sitimayi yapsera mdera lotchedwa Mbamba bay ku mbali ya Tanzania komwe Lake Malawi imatchedwa Ziwa Nyasa (Lake Nyasa) ndipo kumbali ya Mozambique amaitchula kuti
Lago Niassa (Lake Nyasa).
Malingana ndi malipoti sitimayi inanyamula madilamu 30 a petulo ndipo chiwerengelo cha anthu omwe amwalira komanso kuvulala sichikudziwika padakali pano.
Malipoti malipoti ena akuti moto-wo unayamba pomwe munthu wina amasuta fodya pafupi ndi zigubu (madilamu) zambiri za mafuta agalimoto, zomwe sitima-yo inanyamula.
ndipo anthu ambiri ataya miyoyo yawo kamba koti maboti amene anathamangira kokapulumutsa anthu pangozi-yi, anali ang’onoang’ono omwe analibe kuthekera konyamula chiwelengero chochuluka pakamodzi.
MV Chambo yakhala ikuyendanso pa Lake Malawi kuthandizira ntchito za maulendo apa nyanja m’dziko lino.
About the Author
